Generic selectors
Exact matches only
Search in title
Search in content

Злёт маладых паэтаў Міншчыны пройдзе на Лагойшчыне. Расказваем, што трэба для ўдзелу

Злёт маладых паэтаў Міншчыны пройдзе на Лагойшчыне. Расказваем, што трэба для ўдзелу
Фото: sb.by

Абласны злёт «Слова Купалы да творчасці кліча» збярэ маладых паэтаў Міншчыны ў маі на Лагойшчыне. Такая інфармацыя змешчана на сайце абласной бібліятэкі імя А.С. Пушкіна.

Злёт будзе праводзіцца ў вёсцы Харужанцы Лагойскага раёна — гістарычнай мясціне, звязанай з творчай дзейнасцю народнага паэта Беларусі Янкі Купалы.

Удзел у форуме могуць прыняць маладыя людзі, здольныя да літаратурнай творчасці, ва ўзросце ад 16 да 30 гадоў. Работы можна дасылаць на беларускай і рускай мовах.

Зрабіць гэта можна па электроннай пошце: puskinlib@gmail.com, ці на адрас: ДУ «Мінская абласная бібліятэка імя А.С. Пушкіна» (220005, г. Мінск, вул. Гікалы, 4). Арганізатары будуць чакаць лісты да 25 красавіка. Да ўдзелу не дапускаюцца работы, у якіх прысутнічае ненарматыўная лексіка, заклікі да экстрэмізму, прапаганда жорсткасці, а таксама матэрыялы, што парушаюць заканадаўства Рэспублікі Беларусь.

У матэрыялах-прадстаўленнях канкурсантаў павінны быць наступныя звесткі пра аўтара: прозвішча, імя, імя па бацьку, узрост, месца вучобы або працы, фотаздымак 3х4 см, нумары кантактных тэлефонаў, электронны і паштовы адрас, творчыя работы на вольную тэму.

Журы, у складзе якога будуць вядомыя беларускія пісьменнікі, да 16 мая правядзе адбор дасланых конкурсных работ і вызначыць лепшыя творы. Іх аўтары і прымуць удзел у Свяце паэзіі, які адбудзецца 21 мая.

Таксама лепшыя работы ўвойдуць у зборнік «Слова Купалы да творчасці кліча».

Подписывайтесь на наш Telegram-канал Минская правда|MLYN.by, чтобы не пропустить самые актуальные новости!