«Марафон адзінства» паказаў, што Беларусь як вялікая сям’я — Лукашэнка

«Марафон адзінства» паказаў, што Беларусь як адна вялікая сям’я, дзе кожны гатовы падтрымаць другога. Аб гэтым Аляксандр Лукашэнка заявіў 24 студзеня падчас акцыі «Марафон адзінства», паведамілі ў прэс-службе Прэзідэнта или адзначылi ў прэс-службе Прэзідэнта.

— У гэтай велізарнай зале пануе гонар, годнасць і адзінства. Таму што ў Мінск прыехалі людзі з усіх куткоў нашай прыгожай Беларусі. Людзі, не абыякавыя да будучыні нашай Радзімы, — сказаў кіраўнік дзяржавы ў пачатку сваёй прамовы. — Сёння завяршаецца першы этап «Марафону адзінства». Ён стаў яскравай старонкай сучаснага летапісу Беларусі, аб’яднаў дзясяткі беларускіх гарадоў і мільёны сэрцаў.

Марафон, быццам паўнаводная рака, штодзень набіраў моц, захапляў, прырастаў новымі акцыямі і гарадамі, заўважыў Прэзідэнт. Кожны рэгіён прэзентаваў самае лепшае, каб здзівіць краіну. «І трэба сказаць, здзівіў… Канцэртнымі заламі, вернісажамі, пляцоўкамі для дыялогу станавіліся заводскія цэхі, гандлёвыя цэнтры, вакзалы і нават саляныя шахты. Ад Брэста да Віцебска, ад Гродна да Гомеля і Магілёва гучала: «Мы разам! Час выбраў нас!» — адзначыў Аляксандр Лукашэнка.