Generic selectors
Exact matches only
Search in title
Search in content

Як зарабіць больш за 200 рублёў за 18 дзён, ведаюць школьнікі Крупшчыны

Як зарабіць больш за 200 рублёў за 18 дзён, ведаюць школьнікі Крупшчыны
Фото: фото автора

Выдатная магчымасць зарабіць больш за 200 рублёў за 18 дзён ёсць у крупскіх школьнікаў. Такі шанс юнакам і дзяўчатам прадаставіла Крупскае раённае КУП «Жылцеплабуд». Гэтым летам тут плануюць прыняць каля 100 дзяцей у тры змены.

Знайсці юных крупскіх працаўнікоў даволі проста: па ярка-салатавай спецвопратцы. Рабяты фарбуюць бардзюры, убіраюць смецце, скошаную траву, садзяць кветкі і праполваюць клумбы, карацей, працуюць на карысць роднага горада.

Як расказала старшы інспектар па кадрах КУП «Жылцеплабуд» Таццяна Гаро, праца падлеткаў рэгламентавана: працоўны дзень пачынаецца ў 9 гадзін раніцы і заканчваецца ў 13 гадзін дня. Усе работы вядуцца на тэрыторыі горада і накіраваны на яго добраўпарадкаванне. У складзе працоўнага атрада зараз працуе 15 вучняў з СШ №3 города Крупкі. Усяго ж тут за лета прымуць каля 100 чалавек, як з атрадаў летняга лагера працы і адпачынку, так і студэнцкіх.

— Школьнікаў пачалі прымаць на працу на летніх канікулах каля шасці гадоў назад, — узгадвае Таццяна Гаро. — Асноўная мэта — выхаваўчая. Дзеці павінны разумець, што грошы так проста ніхто не атрымлівае, іх трэба зарабіць. Плюс да ўсяго, у нас дзеці вучацца шанаваць не толькі сваю працу, але і паважліва ставіцца да працы іншых людзей.

Вопыт сумеснай работы паказаў выдатныя вынікі. Каб даць магчымасць усім жадаючым дзецям папрацаваць, вырашылі арганізаваць работу на працягу ўсяго лета, а гэта тры змены. Прычым, многія юнакі і дзяўчаты, якія працавалі ў першай змене, застаюцца і на другую. А ў наступным годзе разам з імі прыходзяць і іх сябры, аднакласнікі. Сярод такіх Аляксандра Афанасьева. Кожнае лета яна працуе — разам з матуляй і сястрычкамі збірае ў лесе грыбы і ягады, а потым здае. А у гэтым годзе дзяўчынцы споўнілася 14 гадоў і яна вырашыла паспрабаваць сілы ў працоўным атрадзе пры школе. Кажа, тут падабаецца, ды і аплата дастойная. Яна разам з аднакласнікамі і сябрамі займаецца добраўпарадкаваннем роднага города на базе КУП «Жылцеплабуд».

— У маёй сям’і сем дзяцей, — здзіўляе дзяўчынка. — Працы я не баюся, дапамагаю маме даглядаць дзяцей, асабліва малодшага браціка Сяргея. Яму яшчэ годзік.

Саша падзялілася, што пасля лагера збіраецца разам з дзвюма сёстрамі ехаць у санаторый «Богатырь». Таму частку грошай плануе патраціць там, а за астатнія купіць школьную сукенку.

Заплаціць ёй паабяцалі больш за 200 рублёў. Пагадзіцеся, аплата дастойная. Таму і працуюць рабяты старанна і добрасумленна: ёсць стымул. Да таго ж, тут заробак выплачваецца не штодня, дзейнічае так званая назапашвальная сістэма: адпрацаваў месяц — атрымай паўнавартасную заработную плату.

— Атрымаўшы на рукі вялікую суму грошай, дзіця вучыцца правільнаму карыстанню грошаў, развіваючы ў сабе беражлівасць, эканомнасць і сур’ёзны падыход да тратаў, — працягвае Таццяна Гаро. — Штодзённыя, а гэта амаль 15 рублёў, на розныя прысмакі выдаткаваць лёгка, а вось сума за адпрацаваную змену значная і купіць можна куды больш патрэбную і сур’ёзную рэч, чым, напрыклад, чыпсы.

Начальнік участка добраўпарадкавання, санітарнай ачысткі і азелянення КУП «Жылцеплабуд» Святлана Вярцынскаса кожны дзень з дзецьмі. Яна вызначае ім аб’ём работ.

— З вечара разам з нашымі супрацоўнікамі аб’язджаем горад і вызначаем аб’ём работ на наступны дзень, — удакладняе Святлана. — Напрыклад, бачым — вуліцу трэба падмесці альбо клумбу прапалоць… Ганарацца дзеці «сваім» кветнікам на вуліцах нашага райцэнтра. Цяпер разам з дзецьмі рыхтуем горад да свята Дня Незалежнасці.

Начальнік лагера працы і адпачынку Галіна Галіна ўдакладніла, што ў атрадзе 10 дзяўчынак і 5 хлопчыкаў:

— У нас заключаны дагавор з КУП «Жылцеплабуд». З дзецьмі ўвесь час прысутнічаюць педагогі. Сёння працавалі на вуліцы Ленінскай і каля СШ №1 ‒ праполвалі клумбы. З-за моцнай спякоты змянілі час працы. Цяпер працуем з 7.00 да 11.00.

Галіна Галіна адзначыла, што працоўныя атрады добрыя не толькі тым, што выхоўваюць у дзіцяці працавітасць, уменне працаваць у камандзе, але таксама развіваюць самастойнасць, адказнасць, загартоўваюць не толькі фізічна, але і эмацыянальна.

— Летнія канікулы сучасныя школьнікі і студэнты праводзяць па-рознаму: хтосьці адпачывае ад вучобы за камп’ютарамі альбо на вуліцы, у летніх лагерах альбо ў бабуль і дзядуляў у вёсцы, а хтосьці спрабуе зарабіць грошай і адчуць сябе больш самастойным і незалежным, — кажа Галіна Галіна. — Цікава назіраць, як дзеці ў нашым атрадзе з кожным днём вучацца працаваць. Насамрэч, не ўсе нават ведаюць, што рабіць з матыкай. Але самае галоўнае, што гэтыя дзеці ніколі ўжо не кінуць паперку міма скрыні, не будуць псаваць клумбы і сябрам сваім не дазволяць.

Галоўны спецыяліст аддзела ідэалагічнай работы, культуры і па справах моладзі Крупскага райвыканкама Людміла Куксіна:

 — Яшчэ ў нашым раёне створаны рамонтна-экалагічныя брыгады. Як правіла, яны фарміруюцца ўпраўленнем па працы, занятасці і сацыяльнай абароне сумесна з установамі адукацыі. І калі ў лагеры працы і адпачынку дзеці ў першай палове ідуць на працу ў горад, а пасля абеда займаюцца па звычайнай праграме лагера, то ў брыгадзе ўсё наадварот. Дзеці працуюць у школе. Гэта ўсё, што датычыцца азелянення, добраўпарадкавання, рамонту мэблі і іншых работ у самой установе адукацыі. Таксама гэтым летам запланавана работа 7 студэнцкіх атрадаў на базе 6 сельскагаспадарчых арганізацый і КУП «Жылцеплабуд». Зараз у раёне дзейнічаюць яшчэ і студэнцкія атрады з ліку вучняў Бобскай і Коласаўскай школ, а таксама атрад на базе вытворчай пляцоўкі «Агракамбіната Дзяржынскі».

Подписывайтесь на наш Telegram-канал Минская правда|MLYN.by, чтобы не пропустить самые актуальные новости!

Рекомендуем

Информационное агентство «Минская правда»
ул. Б. Хмельницкого, д. 10А Минск Республика Беларусь 220013
Phone: +375 (44) 551-02-59 Phone: +375 (17) 311-16-59